Қатерлі ісіктерді диагностикалау мен емдеудің аз инвазивті әдістеріне мамандандырылған интервенциялық хирургия қызметі. Жұмыста дербестендірілген медицина қағидаттары мен қауіпсіздіктің халықаралық стандарттары қолданылады.
Орталықта радиожиілік және микротолқынды абляция, эндоваскулярлық араласу және навигациялық технологиялар қолданылады, бұл емдеудің жарақаттылығын төмендетуге және әртүрлі орналасқан ісіктері бар пациенттердің болжамын жақсартуға мүмкіндік береді.
Қызметтің негізгі бағыттары:
- Бауыр, қалқанша безі, өкпе және бүйрек ісіктерінің радиожиілік (РЖА) және микротолқынды абляциясы (МТА).
- Трансартериялық араласулар: химиоэмболизация (ТАХЭ), ісікті қоректендіретін метастаздар мен қан тамырларын эмболизациялау.
- УДЗ және КТ бақылауымен перкутанды биопсия және дренаж.
- Радиомикалық талдау, терапияның тиімділігін бағалау және рецидивтерді болжау үшін жасанды интеллектті пайдаланумен визуалды навигация.
- Химиотерапия жүргізу үшін орталық көктамырлық қолжетімділікті қамтамасыз ету (тері асты порт-жүйелері, PICC-line катетерлері).
Емдеу ТМККК, МӘМС шеңберінде және коммерциялық негізде жүргізіледі.
Барлық клиникалық шешімдер мультидисциплинарлық консилиумдарда (Tumor Board) қабылданады.
Жарақтандыру және технологиялар
- Сарапшы класты ангиографиялық қондырғы.
- Контрастау және навигация функциялары бар ультрадыбыстық аппараттар
- Жаңа буын радиожиілік және микротолқынды генераторлар.
Нәтижелері мен жетістіктері
Интервенциялық технологияларды енгізу араласудың жарақаттылығын едәуір төмендетуге, асқыну жиілігін азайтуға және емдеуге жатқызу мерзімін қысқартуға мүмкіндік берді. Аз инвазивті және дербес тәсілдерді қолдану арқасында пациенттердің өмір сүру көрсеткіштерінің тұрақты өсуі және өмір сүру сапасының жақсаруы байқалады.
Қызмет онкологияда термоаблуляциялық және эндоваскулярлық емдеу әдістерін дамыту бойынша Қазақстанның жетекші орталықтарының қатарына кіреді.
Нұрсейітов Ілияс Ержанұлы- интервенциялық хирургия қызметінің басшысы, PhD-кандидат, бірінші біліктілік санатындағы дәрігер, онкология және интервенциялық хирургияда 15 жылдық жұмыс тәжірибесі бар.
Австрия, Франция, Испания, Румыния, Ресей, АҚШ және Оңтүстік Кореяның жетекші клиникаларында термоаблизация, эндоваскулярлық араласу және визуалды навигацияның заманауи әдістерін зерделей отырып, біліктілікті арттырудан өтті.
Емдеудің абляциялық әдістері дүниежүзілік қауымдастығының (WATA) мүшесі, CCMA, CERSE, ECIO халықаралық конгресстерінің қатысушысы. Аз инвазивті технологияларды белсенді енгізеді, көп орталықтық зерттеулерге қатысады және Қазақстан мамандары үшін оқыту шеберлік сыныптарын өткізеді.
Қызмет құрамында 10 жылдан астам тәжірибесі бар бір дәрігер және екі жоғары және бірінші біліктілік санаттағы мейірбике жұмыс істейді. Бөлімшеде сондай-ақ араласуларды жүргізу үшін қажетті жағдайларды қамтамасыз ететін және үздіксіз жұмысты қолдайтын санитар да жұмыс істейді.
Қызмет мамандары АҚШ, Қытай, Оңтүстік Корея және Еуропаның жетекші клиникаларында тұрақты түрде оқудан өтеді, CCMA, CIRSE, ECIO халықаралық конгресстеріне, сондай-ақ онкологиялық ауруларды диагностикалау мен емдеуде үздік шетелдік тәжірибелерді енгізе отырып, көп орталықтық клиникалық зерттеулерге қатысады.
