ХАЛЫҚАРАЛЫҚ САРАПШЫЛАР ҚАЗАҚСТАНДАҒЫ ОНКОЛОГИЯЛЫҚ ҚЫЗМЕТТІҢ ДАМУЫН ЖОҒАРЫ БАҒАЛАДЫ

Алматы қаласында өткен Қазақстан онкологтары мен радиологтарының X Халықаралық съезі аясында әлемнің түрлі елдерінен келген жетекші мамандар еліміздегі онкологиялық қызметтің дамуы, медициналық технологиялардың деңгейі және ғылыми ынтымақтастықтың өрістеуі туралы өз пікірлерімен бөлісті.

Халықаралық сарапшылардың қатысуы және ғылыми талқылаулардың жоғары деңгейде өтуі Қазақстанның кәсіби медициналық қауымдастықтағы беделінің артып келе жатқанын айқындайды. Осындай форумдардың өткізілуі ғылыми ынтымақтастықты дамытуға, озық технологияларды енгізуге және ұлттық онкологиялық қызметті одан әрі нығайтуға ықпал етеді.