Көкшетау қаласында урологтар мен онкоурологтардың пәнаралық өзара іс-қимылы шеңберінде ұйымдастырылған ғылыми-тәжірибелік конференция өтті. Іс-шара барысында урологиялық және онкоурологиялық ауруларды диагностикалау мен емдеудің заманауи әдістерін көрсету мақсатында үш аз инвазивті хирургиялық операция өткізілді.
Қазақстан Республикасының Денсаулық сақтау вице-министрі, еліміздің жетекші профессорлары, сондай-ақ көршілес шет мемлекеттерден шақырылған сарапшылар құттықтау сөздерімен сөз сөйледі. Конференция қатысушылары урология және онкоурология саласының негізгі мамандарының ауруларды диагностикалау, емдеу және алдын алу мәселелеріне арналған баяндамалары мен таныстырылымдарын тыңдады.
Іс-шара онкоурологиялық және урологиялық ауруларды ерте анықтау қағидаларын дамытуға, патологияны бастапқы кезеңде табуға және Қазақстан Республикасының тұрғындарына көрсетілетін мамандандырылған медициналық көмектің сапасын арттыруға бағытталған.
Ұйымдастырушылар ҚазОжРҒЗИ, ҚР Президентінің Іс басқармасына, сондай-ақ Көкшетау қалалық клиникалық ауруханасына жоғары кәсіби қолдауы, ұйымдастырушылық сүйемелдеуі және конференция өткізуге жәрдемдескені үшін алғыс білдіреді. Бірлескен күш-жігер отандық онкологиялық қызметті нығайтуға және пациенттерді емдеуде озық халықаралық тәжірибелерді енгізуге ықпал етеді.
