Шаңырақ – үйдің, ұрпақтар сабақтастығының және туыстық байланыстардың үзілмейтіндігінің қасиетті символы. Бұл күн аға буынға құрмет көрсетуге және өскелең ұрпаққа ұлттық бірегейліктің негізін құрайтын рухани құндылықтарды, дәстүрлер мен әдет-ғұрыптарды жеткізуге арналған.
Қазақстан Республикасының Президенті Қасым-Жомарт Тоқаев атап өткендей, «өскелең ұрпақты тәрбиелеу – бұл елдің болашағына байланысты жалпыұлттық міндет». Бұл үдерісте тұлғаның, адамгершілік бағдарлардың және азаматтық жауапкершіліктің қалыптасуының бастапқы ортасы ретінде отбасы ерекше рөл атқарады.
Мерекелеу аясында институттың гематология бөлімінің қызметкерлері маңызды рәсімдердің бірі – нәрестені бесікке салуды көрсетті. Көрсетілім мазмұндылығымен және терең символикасымен ерекшеленіп, отбасылық тәрбиенің және мәдени мұраны сақтаудың маңыздылығын көрсетті.
Шаңырақ күні қоғамдағы отбасының, бірліктің және дәстүрлер сабақтастығының негізгі рөлін еске салады.
Әрбір үйде келісім, бақ-береке және өзара түсіністік орнасын.
