2025 жылғы 11-13 қыркүйек аралығында Бішкек қаласында (Қырғыз Республикасы) Қырғыз Республикасының Ұлттық онкология және гематология орталығының 65 жылдығына арналған «Онкология мұрасы мен болашағы: Ұлттық онкология және гематология орталығының 65 жылдығына» атты халықаралық ғылыми-тәжірибелік конференция өтті. Іс-шара тәжірибе алмасу, қазіргі заманғы онкологияның өзекті мәселелерін талқылау, жаңа жетістіктерді таныстыру және одан әрі даму келешектерін айқындау үшін маңызды халықаралық алаң болып табылады.
Конференцияның ашылуында «Қазақ онкология және радиология ғылыми-зерттеу институты» АҚ Басқарма Төрағасы, Қазақстан Республикасы Денсаулық сақтау министрлігінің штаттан тыс бас онкологы, медицина ғылымдарының докторы, профессор Ербол Жасұланұлы Бекмұхамбетов құттықтау сөз сөйледі. Өз хатында ол онкология саласындағы халықаралық өзара іс-қимылдың маңыздылығын, медициналық көмектің сапасын арттыру үшін бірлескен ғылыми зерттеулер мен инновациялық технологияларды енгізу қажеттігін атап өтті. Конференция барысында «Қазақ онкология және радиология ғылыми-зерттеу институты» АҚ мен Қырғыз Республикасы Денсаулық сақтау министрлігінің Ұлттық онкология және гематология орталығы арасында ынтымақтастық туралы меморандумға қол қойылды.
Конференция барысында Қазақ онкология және радиология ғылыми-зерттеу институты мен Қырғыз Республикасының Денсаулық сақтау министрлігінің «Ұлттық онкология және гематология орталығы» арасында ынтымақтастық туралы меморандумға қол қойылды.
Іскерлік бағдарлама аясында қазақстандық мамандар онкологияның өзекті бағыттары бойынша өздерінің ғылыми әзірлемелері мен клиникалық тәжірибелерін ұсынатын панельдік сессиялар мен дөңгелек үстелдерге қатысады. Ерте диагностика, аз инвазивті хирургия, сәулелік терапия, дәрілік терапия және онкопациенттерді оңалтудың заманауи тәсілдері мәселелеріне ерекше назар аударылады.
Қазақстандық делегацияның конференцияға қатысуы Қырғызстандағы әріптестермен екіжақты ынтымақтастықты нығайтуға, кәсіби байланыстарды кеңейтуге және өзара іс-қимылдың жаңа бағыттарын қалыптастыруға ықпал етеді.
